ທັງສອງອົງການ ໄດ້ອອກຖແລງການ ຮວ່ມ ພ້ອມຍັງ ໄດ້ສົ່ງ ຣາຍງານ ໃຫ້ ທູດພີເສດ ແຫ່ງ ອົງການ ສະຫະປະຊາຊາດ ກ່ຽວແກ່ ຄວາມຍາກຈົນ ແລະ ບັນຫາສິດທິມະນຸດ. ທ່ານ Philip Alston ມີໝາຍກຳນົດ ຢ້ຽມຢາມ ສປປລາວ ຢ່າງເປັນທາງການ ລະວ່າງວັນທີ 18 ມີນາ ຫາ ວັນທີ 28 ມີນາ 2019.
"ເຖິງແມ່ນວ່າ ຈະໄດ້ມີການ ໂອ້ລົມສົນທະນາ ເຖິງບັນຫາການ ຫຼຸດຜ່ອນຄວາມຍາກຈົນ ມາຫຼາຍຄັ້ງ ແລ້ວກໍຕາມ, ແຕ່ ທາງການ ສປປລາວ ກໍບໍ່ໄດ້ຄຳນຶງເຖິງ ຜູ້ທີ່ຕົກຢູ່ໃນຄວາມຍາກຈົນແຕ່ປະການໃດ. ພວກເຮົາ ຈຶ່ງຮຽກຮ້ອງໃຫ້ ທາງການລາວ ຈົ່ງທົບທວນຄືນໃໝ່ ເຖິງ ນະໂຍບາຍອັນ ເປັນພັຍພີບັດ ຊຶ່ງ ມີແຕ່ແບ່ງແຍກຊຸມຊົນ ທັງຫຼາຍທົ່ວປະເທດ"
ນຖແລງການຮ່ວມ, ທັງສອງອົງການ ໄດ້ກ່າວຢ່າງລະອຽດ ເຖິງການ ລ່ວງລະເມີດ ສິດທິມະນຸດ ຢ່າງນັກ ໂດຍສະເພາ ະຕໍ່ກຸ່ມຜູ້ຍາກຈົນ ; ເຂົາເຈົ້າ ຖືກຕັດສິດ ບໍ່ໄດ້ມີສ່ວນຮ່ວມ ໃນໂຄງການພັທະນາໃດໆ.
ໄນນັ້ນ ຮວ່ມເຖີງ ການລະເມີດ ສິດທິພົລະເຮືອນ ສິດທິໃນການອອກສຽງປ່ອນບັດ ສິດທິໃນການລົງແຂ່ງຂັນເລືອກຕັ້ງຢ່າງແທ້ຈິງ ສິດທິໃນການຮຽກຮ້ອງ ໃຫ້ແກ້ໄຂ ການລ່ວງລະເມີດສິດທິມະນຸດ ສິດທິໃນການມີທະນາຍຄວາມປົກປ້ອງ, ສິດທິອອກຄວາມຄິດຄວາມເຫັນ ແລະ ປາກເວົ້າ ຮວມໄປເຖິງສິດທິໃນການ ຮັບຂ່າວສານ ແລະ ສິດທິ ຊຸມນຸມ.
ສິດທິທັງໝົດນີ້ ຖືກຄໍ້າປະກັນ ໂດຍ ສົນທິສັນຍາສາກົນ ວ່າດ້ວຍ ສິດທິ ພົລະເຮືອນ ການເມືອງ (ICCPR) ແລະ ສົນທິສັນຍາສາກົນ ວ່າດ້ວຍ ສິດທິ ເສຖກິດ ສັງຄົມ ແລະ ວັທະນະທັມ (ICESCR), ຊຶ່ງ ສປປລາວ ໄດ້ລົງນາມ ຮັບເຊັນ.